「不要見維園阿哥拿米高峰咬牙切齒就以為他們也嗜魚蝦蟹，任亮憲和歐陽英傑兩個阿哥都是DB仔（拔萃男書院舊生），分別任職投資公司聯席董事及家庭醫生…」 http://j.mp/b6BCJe

以拔萃的自由學風為榮。

明報報導：「教徒陳小姐（化名）參與教會活動兩年，她按教會規定在接受浸禮前修讀3個課程，每個課程都需要接受考試及達到要求的出席率，才可『升班』。陳小姐說，她修讀首個課程時曾參與六四集會、七一遊行、反高鐵遊行及到民間電台聆訊聽審，當時教會中人向她明言『遊行是可接受的極限』，參與的活動至警察清場已是過分，指她信神若夠深，就不會參與遊行。」

那些教會其實也不過是本著聖經辦事而已，畢竟法利賽人也曾向信徒明言，私下聚會是可接受的極限，傳揚福音已是過分。

蔡子強喺今日嘅明報論壇版提醒曾特首要落實同年輕人溝通嘅承諾。嘿，蔡子強你此言差矣，溝通特首一早做緊，係你唔知啫！行會人大鄭哥都話佢一直係度幫華叔攞回鄉證啦，無講俾人知啫。套用鄭哥回應記者詢問嘅一句話：「有些事不一定高調才有效果。」

老爸是民運的長期支持者，但還是擔心我的政治取態會影響我回港發展的機會。

最少我有得揀，這已經比許多人的處境都要好。

好些主流傳媒近年實在變得太懶，寫社評陳腔濫調、深度欠奉。高鐵抗爭「不守法」就下意識打為「不對」，以此邏輯，孫中山發動革命不對、舒特拉維護猶太工人不對、曼德拉武力抗爭不對、蘿莎柏克絲不肯讓座予白人不對、而楊光那板大紫荊就更不知所謂了。

本來，除了涉及少數基本權利，少數服從多數是民主的規則，反對者有過激行為是說不過去。高鐵雖貴，但香港老本還是有的，高鐵回報再低也死不了。如果議會內多數認為要建，反對者再不情願也要接受。問題是香港的政制並不民主。當議會廳內有議員只代表數百人，唯一作為就是作政府橡方圖章的時候，支持者憑甚麼要求反對者要和平、要冷靜呢？這就像強姦還要指摘受害人反抗。早前就有單強姦案，被告辯稱受害人不反抗等如同意–當雙方形勢根本不公平對等，「㩒住黎打」，假如反對者不反抗，支持者還會當他們是一會事麼？正如不少評論指出，這一切所指向的都是香港現有政制之不合理。每有重大議題，反對者唯有以「晒馬」明志，以平衡政制對既得利益者的傾軋。

所以，高鐵的反對者們，今天是你們的，有甚麼想做的就做。

不能讓制度平白侵犯了你們。

不能後悔。

工業總會主席孫啟烈:「周五最多有4000多至1萬人反對(高鐵撥款)，但香港有700萬人」。

阿孫叔，你識唔識統計？就算七百萬人都反對高鐵，都可以只有四千人去示威。唔識就唔好亂講嘢，好心你上電台前最少都睇下中策組同智經嘅民調呀。

既然各大商會都覺得高鐵對經濟發展咁重要，政府就應該好好利用佢地嘅支持，好叫反對派收聲。好簡單，未來十年暫加利得稅半個百份點，用以支付高鐵造價。以現時稅率下未來每年利得稅保守估計平均有一千億計算，半個百份點每年約有三十億，十年就有三百億，正好彌補政府方案同反對派方案嘅造價分歧。

有人會問，加稅唔驚嚇走商家咩？香港利得稅加完半個百份點都只係17%，同新加坡來年度減稅後一樣，加上高鐵建成，經濟發展，中港融合，商家理應留都留唔切，點會走？加利得稅唔會影響班「八十後」，佢地亦無理由反對。皆大歡喜，又唔駛再拉布，政府下星期識做啦？

「事實上，近年來香港掌權者的低水平表現，已經積累到一個侮辱正常人智慧的程度。」–《羅永生﹕快樂頑鬥：人人都是「80後」》

說得對，今時今日睇新聞真係廢話日日有。今日語錄–「運輸及房屋局長長鄭汝樺表示，尊重議員發問的權利，而通過撥款亦是他們的責任，希望可盡快通過。」

阿局長，你當立法會係人大？審議撥款係議員嘅責任，假如一定要通過要仲要立法會來做乜？

《李先知：高官解讀80後不滿聲音》–「有高官抱怨，這一代年輕人在溫室中成長，給父母寵壞了，終日躲在虛擬世界裏打機交友，跟現實社會脫了節，產生許多不切實際的期望。」

咁嘅解讀，難怪年輕人怨聲載道。日做夜做先賺得個幾千銀，一年都儲唔到高官一個月糧。結婚要錢，買樓又要錢，如果依啲都係高官口中「不切實際嘅期望」，唔通打算成世做奴隸先叫實際？

「有高官私下慨嘆，其實近年中國內地發展迅速，提供了大量機會，可惜香港土生土長的年輕一代不願北上，部分更看不起的經濟發展」

成日叫年輕人北上。大佬，北上咁好不如你地自己上，空啲位出黎比年輕人呀？論經濟，香港人均生產總值係大陸嘅八倍，比上海都仲要高一倍。論自由，「六」同「四」喺大陸唔可以一齊講，講多兩句唔中聽嘅坐監都有份。叫年輕人返去係社會向下流，但對作為上流嘅高官無影響之餘，仲可以少啲問題解決，當然好計一條。

「面對這樣的形勢發展，曾班子已開始思索對策，例如資助更多進修課程，引導我們的年輕人回歸學習正途，或者提供更多文娛康體活動，讓他們忙於打band、唱K、跳街舞，以確保他們無暇上街抗議。」

即係你地無解決辦法啦！高官唔明年輕人處境都算了，最差勁係諗埋哂啲無聊計，治標唔治本。依家週街都係碩士，港人仲進修得唔夠？依個嘅對策嘅目的一句講哂就係減低勞動人口，減少年輕人失業數字。後者仲衰，不如直接K仔合法化、叫佢地個個啪丸啪到無聲出算啦！

高官，拜託，認真啲諗下得唔得？諗唔到就認無計。問題明明係香港政治同經濟環境下嘅產品，怪乜年輕人唔懂事？